ন হিনিজ আর ম নাঙ। দীপক চাক্‌মা

Print Friendly, PDF & Email
ইক্কু তুই ইঞ্জিনিয়ারর মোক
 চেয়ারম্যানোর পুদো বো
 আজা গরং ত জিংহানি
 এবার সুগে হাদিবো।
 মান সম্মান পেবে তুই
 হোনো অভাব ন পেবে
 জিংহানিয়ান হদক দুগ
 সিয়ান তুই আর ন দেবে।
 যিয়ান চাজ সিয়ান পেবে
 গাড়ি চেলে গাড়ি
 পেবে আরও নানাক্কান
 টেঙাপুজে আর ঘরবাড়ি।
 হয়তোবা মরে লদে
 সিয়ানি ন পেলেন
 জিংহানিত সুগ হি জিনিস
 সিয়ানি ন দেলেন।
 ন পেলেন মান সম্মান
 ঠিকমুজিত ভাত
 সেক্কে তুই হোবাল বাজচে
 বিরিদে জামেই দাত।
 ইক্কু তুই সুগে আগস
 সুগে তাক সিয়ান চাঙ
 ভুলেও তুই হোনোদিন
 ন হিনিজ আর ম নাঙ।

Share This Post

Post Comment

This site uses Akismet to reduce spam. Learn how your comment data is processed.