তর হি ইদোত আগে ?পল্লে দিনো হদা,
কলেজত যেক্কে ওয়ে তর মর দেগা ।
সে দিননো এজ মর চোগোত বাজে ,
মনত হুজি লাগে ত হধা ভাবিনেই,
তুই ও হি ভাবজ সিনি ম ধক্কে গুরিনেই ।
জানালা হুরে বচ্ছে তুই ভারি লাগিদো দোল,
নিবির-সিবির গুরি থেডে নগুরিদে যৌল ।
যেক্কে তরে হনজনে মনত দিদাক দুগ্ ,
পহন পহন চোগো পানি ফেলেদে অলর গুরি
র শুনি মর ফাদি যেদ বুক ।
এক দিন সাজন নে পহরঅত গায় পেনেই তরে,
লাজে লাজে হুয়োং তরে হোচপানার হোধা,
তুই এলে মাধা নিগিরি নহজ হন হোধা ।
যাদে যাদে হয়োজ সিগোন গুরি
তুই ও হোচপাজ মরে আজসোচ ইত্তুক গুরি ।
তিন-চের বজর হাদেয়েই আমি ধোরাধজ্জে গুরিনেই ,
সে হোচপানা সেজ অদ নয় এক জিংহানি হাদেনেই ।
একদিন রেদোত তুই ফেলে গেলে ঘুমত,
আর ন এলে ফিরি মরে ফেলে গেলে দুগত ।
এজ মুই সাজন নে অলে তারাউনোন দি রিনি চাং,
হন সেরে আগজ তুই দোলে দালে তোগাং ।
জুনো পজ্জে জুন্ নোরে পিজের গুরি চাং
ত নো দেজ হদা,মাত নপেই জুন্ নোত্তুন
অলর অনেই রিনি চেইথাং ।
রেত সমভাগত জানালা হুরে গায়
বুজিনেই থাং মুই হুজি বয়ের অ নালত,
চোগো পানি চুগেই যায় বর আংঅচ্চের আন্দারত ।
বয়েরান্দোই হদা অয়,হানে হানে মেরে হয়
তুই অ জেক্কে নথেবে মুই হোম ত হদা
নানা বাবত্তে মানজরে,হোচপানা হনদিন নমরে
জুলি জুলি বাজি থায় বিজগত ।।
