মানিক জ্বলিব।। হেগাবগা চাক্‌মা

Print Friendly, PDF & Email

রেদ আন্ধার, মুর ঘুম, চিকচিক্যে স্ববন,

উদ ন পিয়্যে মুর ঘুম ওয় উদিল পাগানা।

হালা হালা রঙ্গে ভুত একচাদিয়ে সমদন,

হুজ্জ্যে হেরেঙ্গাল বাড়িল, ঘর ভুত্তুন অলাক সাদাঙ্গা-

চের হিত্তে জাতচুবিয়্যে ওয় উদিলাক রাবন!

 

ফি বলা ভুত, যিন্দি যান সিন্দি নেজান হজরা

সেদামসারা মানেয়্কুল বজত হেলাক অজোরা।

রোঙ্গে বিদ্যে দরে, বৈদ্য-ওস্টাড ভাবি বুদ্ধি গরিলাক

চুক্তিগরি ধাবেবং হোয়, মন্ত্র-তালিক জুরেইলাক।

সেই তালিকক্কো ভজ যেনে, উমরত্তেই পোত্তেলাক।

 

আন্ধার কাবি যেব একদিন, বেল সদক ফুদিবো

চবা উগুরে টিগেনেই, নুও বীজ উদিব

পাদা ফুদি, ফুল ফুদি গুল ধরিবাক

আর হোন দিন আন্ধার নামিলে

সেই গুলোগুন মানিক জ্বালেবাক।

 

…………………

হেগাবগা চাংমা

২৬ ফেব্রুয়ারী ২০১২ ইং

Share This Post

Post Comment