চাকমা কবিতা “জুমো ঘর” লেখকঃ- উত্পল চাকমা

Print Friendly, PDF & Email

জুম্ম ঘরত জনম মর

জুমো ঘরত থাং,

পুব মাধাদি বেলান উদিলে

জুমো হামত যাঙ।

 

মা আগে বাব আগে

আগে এক্কু বোন মর,

হুত্তো আ পিজেঙা মিলি

থুগুনো মাধাত ঘর।

 

বেন্নিপত্তি উদোং মুই

মামা রাদা ডাগত,

পিজেই উদি গাঙত যায়

বোননুঅ ঘরঅ হামত।

 

গুলেক গালাক হেইনে আমি

যেবং জুমো হামত,

লগে থায় পানি হুম

ভাদ মোজা হাচ্চেঙত।

 

সাজন্যি অলে ফিরি এজিই

আমা জুমো ঘরত,

ইজোরত বোয়নেই জিরেঙ মুই

হদহালা জুনোপহরত।

 

রেত্তো হাদেই উদিই আমি

পোত্তে রাদা ডাগত,

হেইনে আর ধাবা দিই

আমা জুমো হামত।

 

ধুব ধুব পাদা মেলি

রজেয়্যি ধানুন চোগ মেলন,

মাজ দি মাজ বিদি যাদে

ধানত সলঙ ধরন।

 

জুমো ধানুন পাগদে দেলে

মনত লাগে সুখ,

ন’উদে ইদত সেক্কে পেইয়ি

হদক দুগোর দুগ।

 

ধান হাবিলে উজেই উদোন

জুমো গচ্চেগুন,

পাগিলে হাদে লাগে সুয়ত

মারমা সিন্দিরেগুন।

Share This Post

Post Comment