হুলি যুগর গাবুজচে। দীপক চাক্‌মা

Print Friendly, PDF & Email

দুলনত দুলে হিরিং হিরিং
ওয়াং ওয়াং হানে
এদক গুরি মানা গরিলিয়ো
হারোর হোদা ন মানে।

পেন্ট পিনে তে হোয়ে যাং যাং
উরু হুলুন দেগা যায়
সিয়ান তার ন্যূ ধঙ
এক্কায়ু তে ন লাজায়।

চুলুম উরে চিবেচিপ্পে
হাবর নেইদে ধক
তারে তে দোল ফেলুয়ু
চাদে লাগে বেধক।

চুলানি তার লামবা লামবা
মারে আরও পাং
পাড়াই পাড়াই ভন্ড বেড়ে
তোগাই দিজেমাক্কে লাঙ।

জেবত রাগাই দামি পুনি
চিরে রাগাই তৈলতৈল্যে
চক্কুন তার উরবো উরবো
রিনি চাই পেলপেল্যে।

নাক চিবিলে দুধ নিগিলে
মাদা বিজোল ন চুগাই
এইজচে বোদা হিল্লে চ
আরো তে মোক তোগাই।

Share This Post

Post Comment