হিল চাদিগাং বরুন বিকাশ চাক্‌মা

Print Friendly, PDF & Email

চেরোকিত্যা মুড়োমুড়ি
কি দোল সর্গ পুরী
আমার এ হিল চাদিগাং,
গাজে বাজে সাবাক এইলে
দীঘোল অজার ছড়া গাঙে
দে লে চিত জুড়ায়।

জুরো জুরো আহ্বা খেলে
মোন তুগুনর তারুম’ ছেরে
নানান পেইঘে গীত গা’ন,
নানা রঙর ফুল ফুদোনি
ভঙরার গুজূরোনি
তুম্বাজে গলগলায়।

ঝরঝরি নোনেইয়ে সুরে
রানজুনি সাত রং,
সাজ্যেগুজ্যে তরে মুই
কদক দোল দেঘং।
মনে কয় চেই থাং
বানা এক রেনি
যেদক চাঙ চিত জুরায়
তর দোলাণি।

তুই মর চিতজুরনি হিল চাদিগাঙ
জিংকানিত বেক এরি
বানা তরে কোচপাং,
তুই মর বেক আঝা
দি চোঘর সবন
তর বুগোত থেদুং চাং
শেজ দিন্নো সং।।

 

Share This Post

One Response to "হিল চাদিগাং বরুন বিকাশ চাক্‌মা"

  1. ঝরঝরি নোনেইয়ে সুরে.
    রানজুনি সাত রং,
    সাজ্যেগুজ্যে তরে মুই.
    কদক দোল দেঘং।.
    মনে কয় চেই থাং.
    বানা এক রেনি.
    যেদক চাঙ চিত জুরায়.
    তর দোলাণি।

    তুই মর চিতজুরনি হিল চাদিগাঙ.
    জিংকানিত বেক এরি.
    বানা তরে কোচপাং,
    তুই মর বেক আঝা.
    দি চোঘর সবন.
    তর বুগোত থেদুং চাং.
    শেজ দিন্নো সং।।.

    Reply

Post Comment