চাক্‌মা কবিতাঃ- গাবুজ্জি, পিবির চাক্‌মা

Print Friendly, PDF & Email

গাবুজ্জি

দেবাবো গোচ্ছে হালা, মেঘচাগা ডাঙর ডাঙর
জুঁত জুঁত বোয়ের বার, চের হিত্যে আন্ধার!
ভাজি আগে সয় সাগরত্ জুম্ম জাতি
বাজিয়ে হোন্না আগে এজ যাদি……….

এজের ঝড় বোয়ের,ধুলের ন
আহরেয়েই পাল, ইক্কু হন্না ধরিবের,
নেই গম মাঝি, আগে হার সাহজ?
হুদু আগ গাবুজ্জি হারুজ্জি নুও মানুজ
এই ঝড় বোয়ের অমহদ ডাঙর!
যা পরিবো তো উজোনি………..
নেজা পরিবো ন,উয়ো পরিবো পাড়

হন্না আগে হিজেনি?
চিত্‍পুজ্জি জাত্তু ডুবি মরের,নজানে সাজুরি
গাবুজ্জি যাদি আয়,পাল ধরলি ধরঅ গোরি
জাত্তুরে উদ্ধার গরি,বাজে তুললি…
দেজ জাত্তু চেই আগে বানা তরে বিলি
যুগে যুগে হুরেইয়ি দুঃখানী ঘোজি ফেলেই দে
ভেইয়ি ভেইয়ি মারামারি পুরি ফেলেই দে

জাদে জাদে মু ন ফিরেজ, যে যিয়ান হধাক সাট
গাবুজ্জি অই দেঘা যার বর হলা রাজপদ
জুম্মোজাদর সলং মিজি আগে সিয়ত্
মিগিনি,হাজলং,চেঙেই বড়গাঙ বড় নালত্
ডুবি আগে জাদর অতীত্ ভবিষ্যৎ

Share This Post

Post Comment