আল্যে । দীপক চাক্‌মা

Print Friendly, PDF & Email

এরে তিতি বব বব

গরু জোড়া লনেই

আল্যে আলত যায়

বিন্যে পুত্তে উদিনেই।

আদত ধুজ্জে ইক্ক বারি

হানাত লুয়ে লাঙল

লগে আর লুয়ে তে

সাত্তা আর যোঙল।

পুরোন লুঙ্গি পিনতে তে

পাধা সুলুম উজ্জে

বুয়োত যেনেয় মন সুগে

আল চোগানা ধুজ্জে।

বেলান উদের চিকচিক্কে

হিয়ে চাম পুড়ি যায়

আল জোড়াবো জিরান দিনেই

আল্যে হানক্কন জিরায়।

পদলক পদলক দাবা তানি

মনর সুগে বুজিথাই

আল্যের জিরানা থুম অনেই

আরও আল চোগাই।

রোদ ঝড় ন ধরাই তে

চিনে তে দুগ হাম

এক মনে হাম গরিনেই

ফেলাই তে হিয়ের গাম।

ধান হাবিনেই ধান লাগাই

লাগাই নানাক্কান

সিয়ানি ঘরত তুলি

হুজি লাগে বজমান।

পাগারাগিরি নজানে তে

ন বুঝে সদান ধেঙ,

মনান তার উজু চুরুঙ

চিনে তে আল্যেঙ।

এদিক্কেন গুরিনেই আল্যে

ঘর গিরিত্তি চালাই

সুগে দুগে জিংহানি হাদে

হুজিমনে থাই।

Share This Post

Post Comment