|| মর আহরেবার হিজ্সু নেই ||

Print Friendly, PDF & Email

জামুরো সাবর হুধোন-
ভেদা ভেদা মর হিয়ে,
রুমে রুমে বিজ!
নিজেজ-এ নিজেজ-এ বিজ!
ইক্কু মুই জারি পারং।

অহুর হন আন্ধার-
মরন’অর চিক-চিক্কে,
নিমাদারা মান্জোর হানানি!
চোগো হোনাত পানি!
ইক্কু মুই সোই পারং।

সিক-সিক্কে ভাঙি মোরা হিজেক-
দিন দিবুজ্জে আগাজ-অ বাজ,
নিজে-ঝত পোরা বাজ!
বুন্দুগোর গাজ্তে আবাজ!
শুনি আর উগুরি নো উদং।

ভারি দোল হন গোলা-
মাদত,পদত,ঘাদত,
রাঙা মিজে আঝা!
হুলুক মিদে হোদা!
মুই আর নো শুনং।

ইস্পাত-অ ধক দর-অ
অলর!হেবার মাজ্জে পিন্জোর,
ইক্কু আগুন চোগো হোনাত!
মুত ভিজ্জে আহ্ত!
মর আহরেবার হিজ্সু নেই।

Share This Post

Post Comment

This site uses Akismet to reduce spam. Learn how your comment data is processed.