“ন লেগিম আর সেদিন” বুদ্ধ জ্যোতি চাকমা

Print Friendly, PDF & Email

“ন লেগিম আর সেদিন”
*************
By বুদ্ধজ্যোতি চাকমা

ন লেগিম আর সেদিন,
তরে নিনে আর কবিতি।
ন লেগিম আর হোন গীত,
সেদিন তরে নিনে।
স্ববন আগে মর জুম্মল্যান্ড অত উড়িবু ,
পিবির পিবির বুয়েরত বিজয়অর বাবদা!
মোন মুড়ো পঅর অব,
নুঅ বেলর সদগে।
বন অয়ি নিজেজ,
ইরি দিবাগ গাজ বাজে।
মাদ সুদিবু বুব অয়ি,
জুম্ম মানেই অর।
ফাগুনোর মিদি বুয়ারর লগে,
ফিরি এব নুঅ দিন।
ন লুগিবু সেক্কে আর,
দুগি মানেই অর আজি।
ঝাক বুদি উড়িবাক পেক,
অজার আগাজত।
জুম বুইঅর ধান ছড়া দুলিবাক,

পিবির পিবির বুয়েরত।
শুনা যেব নুঅ গরি,
ধুদুক সিঙা হেঙগরঙ অর মিডি সুর।
বাজি রঅ এ ইদত উদিবু ,
রাধামন ধনপুদীর হোজপানা।
বৈজেক অর হোগিল পেখ,
দাগি দিবু বিজু।
এবঅ আর নুদিন,
নুঅ বেলর সদগে।
মর কবিতির ভাজ আজি যেব সেদিন,
সুগর চোগো পানিয়ে।
মর গানর সুর আজি যেব সেদিন,
বিজয় অর হুজিয়ে।
ন লেগিম আর সেদিন মুই,
তরে নিনে কবিতি।
ন লেগিম হোন গীত,
সেদিন তরে নিনে।

Share This Post

One Response to "“ন লেগিম আর সেদিন” বুদ্ধ জ্যোতি চাকমা"

Post Comment

This site uses Akismet to reduce spam. Learn how your comment data is processed.