আদু পারি মাধা লঙানা?
হনদিন নয়!
হি গুরি পারিবে তুই?
হুদ্দুর বা তর সেদাম!
পরানান লবে?
মাদিত মিজে দিবি হিয়েয়ান?
দে! দে! দে!
মরনরে মুই নদরাং!
মাদিত মিজি যাং যুনি
গাজ ওই মাধা তুলিম!
মরাই যেক্কে পুরিবো
বুক দিনেই মুরিম!
সেদাম আগে হি তর?
মরে দোঙে রাগেবার!
মুই দ য়েম যুগে যুগে
ছিনি আনিম পরতুল্য়র অধিকার।
মুরিবাত্তেই মুই য়েম!
বুগোর রাঙা লো’ই আলাম সাজেম!
পরতুল্য়র ঝাগত্তুন
মুই দেক্কে আঙুল তুলিম!
রাঙায় রাঙায় ভাঙিম
তর শোষণর দেবাল!
পরতুল্য়র শিগোল ছিনিবাত্তেই য়েম
যুগে যুগে দি যেম পরানান।
