আভিলেচ

Print Friendly, PDF & Email

বোয়ের বানা ম ওযে
চোগো পাদানি নপরের আর ,
চিকচিক্কে লাগের মৌন মুড়ো ।
হালাপ হালাপ গুরি সাজাদন মরা গাজ ,
বোয়েরত ফুট আঙারা উরিবু
বেনবেনে আঙিবু আগুনান
পুরি যেব ছেই অব হিয়েগান ,
এজচে ম ভেই মজ্জোন ।
পি হেয়োন লো, খুন গুরিনেই
হানিয়ে রেং হারিয়ে বেক্কুন ভেই !
নিজেজ বন ওই এজের
হিরবো চেঙেরানি ইদোত উদের ,
আধাপদত ভজ যার সবন
হিল চাদিগাং হানের ।
নিজো ঠেংঅত হুরোলো কুপ দেদন,
ইক্কো ইক্কো আঝি যাদন ম ভেই ,
খুন গরদন উদোন দি সুক তারা
বেগে মিলি দেদন রেং !
এজচে বেক্কুন উজ আরা ,
মুজুঙো পথ নাদে দেদন ,
দোজা তানদন ধরাধচ্চে গুরি
গরদন ভজ যেবার যুক্কোল !
অলে হাম হরচ বন ওই ঠেলুন !
ফ্লেগ ঠেলুন অধ্ধান লামেয়ে ,
তবনা গুরিলাক্কুন হিয়োংঅত
ভচ যেবার এ দিনোত ,
বেগে গুজেলাক্কুন হালা বেচ !
অ হবাল্লে বুদ্ধি নাধা
বানা এক্কান আভিলেচ ।

Share This Post

One Response to "আভিলেচ"

Post Comment

This site uses Akismet to reduce spam. Learn how your comment data is processed.