[অলেগনর দেজত]

Print Friendly, PDF & Email

ফুদি ফুল হদক ঝুরি যায় পদত,
পুরি থায় বানা ম দি ধাগত,
নরম হুজি পাগোরানি তার,
পুজি পুজি যায় বারিজের ঝড়ত।

রিনি চাং মুই মিজি যাং
গাদং সে ফুল পজা ঝড়ত,
ফেলা যেয়ে ফুল আর ঝুরি যেয়ে পাদা,
মিজি যায় নিজেজত বানা-
জমা অয় মন উদোনত।

অজল গাজর ছাবা ফারি
যুদি এজে এক ফুদো রোদ,
লামি এজন ঘর নেয়ে পেগো ঝাক,
মুই মিজি যাং সে ঝাগত।
পুক-জুক তোগান আর হদা হন,
জিরেন তারা, বুজি ম ধাগত।
ভাঙি যেয়ে বাজিবোই সুর তুলে,
তাল ছাড়া গুরি নাজে গাজ পাদানি,
তারা নেই, ম সে আগাজত,
রেত অলে লামি এজন আঝার জুনি।
ফেলা যেয়ের সে দেজত বেক সং!
সে অলেগনর দেজত-
ফাগুনোর ঝোলগা বোয়েরত ,
ঝুরি যেয়ে পাদা লগে
যে দেজত মুই মিযি আগং।

Share This Post

Post Comment

This site uses Akismet to reduce spam. Learn how your comment data is processed.