হিলর হোচপানা ***সুদীপ্ত চাকমা মিকাডো***

Print Friendly

সুগে দুগে হাজি রঙে ভরি আগে আমা হিল চাদি গাঙ

যিয়ান মুই জনম ভরি হোচপাঙ

মুড়ো মুড়ি আমা এই হিল চাদি গাঙ

যিয়দ ভরি আগে এগারো জাদর হোচপানায়ান

আগে গদে গদে নানা বাবদর নানা রঙয়র

নানা বাবদর মাদেবার দক, নিজ হদা

বিজের,গীত, পোযাক, আজাক আর ১১ বাবদর হোচপানায়ান

চিদ জুড়োয় পরান ভরেই রিনি চেলে আমা এই হিল চাদি গাঙ

দেলে বুজিবার দক নেই ইদু আগে হদক

সুগলগে আগে হদক মনত দুগ

আর আগে হদক আরেই ন পেবার হদা

আর ন আরেই মনর সুগে থেবার হদা

নানা রঙে নানা দগে ভরি আগে আমা এ হিল চাদিগাঙ

যিয়ান যেনজান তোগায় সেনজান পায়

সদরগ ফুল দগ হোম নাহি ঝারত থেইয়ে ফুল দগ

পিত্থিমিয়ান ভরি আগং আমার জুম্ম ভেই বোন নানান বাবদর

ফুদেই দেদন চিরহিত্যে জুম্ময়ুনর ভালেদিয়ানি

গীদে রঙে দোল থেদং আমা এ হিলর ১১ জাদত্তুন

সমারে আরো পিত্থিমিত থেইয়ে আদিবাসীয়ুন।

হোচপাফিত যেন হোই না পারলে মনত দুগ,

সিত্তুন বেজ মনত দুগ, সেটেলার বাঙালেরে নিজ জাগাত ঘর তুলি তাগদে দেলে

মরে মুই ভারি দুগত অ সুগি পারাপাং

হিত্তেই হনা ?

বানা এ দেজত আগে ১১ জাদর হোচপানা

দেজ বিদেশ ঘুরি মাইকেল মধুসূদন দত্ত ও মরি যেবার আগে হই গেল

নিজ দেজর নিজ ভাজে মাদেই পারানা দক নেই সুখ

যেদগে উজেই যের আমা জুম্ময়ুন

আর দগে অলে ১০-২০ বজরে ন পেব আমারে

এ হিল চাদিগাঙয়র চুরুঙয়ততুন।

Share This Post

Post Comment

Please Answer.. * Time limit is exhausted. Please reload CAPTCHA.