“সোজ রঙর হোচপানা”

Print Friendly

জুম্মোবী রাঙা সবনর জাল বুনে
ঘর উদোনত দিগি এক জুর পত্তাপুত্তিক
এক গজর তুম্বাজ সত্রং ফুল
নঅলে এক ঝোলগা মাত্তল বোয়ের।
অজলত দিগি মেঘ চাগা ঝাক
দুরোত মনান তার সিমিনে ছাড়ে
দুরোত্তুন আর দুরোত হন থুমোত
বেল দুবোনি হন সাজন্য়া পেগো সমারে।
দ-মাগালা দিনো সান মনান তার
ফাগুনোর আঝায় আঝায় বুক বানে,
চিকচিক্য়া মনান তার হোচপানা তোগায়
হধা হয় বোয়েরর হানে হানে।
চুলোত গুজেনেই হন ঝারবো ফুল
হুঝির ধয্য়াত মনান তার ধিপ্পিলায়,
নিজো লাঙর আঝায় আঝায় দিন গুনে
জুম্মোবী এজ হি হবর পায়?
শিলো সান নিদেন তা লাঙ মনান
এজ মিলি নজানে আওজোর হোচপানায়!
জুম পোড়া হালা ধুমোই ঘিজ্জে জিংহানি
রঙ আর ছিদে নবারে চিকচিক্কে মনানে,
বাজিবার লারেয়োত গায়গায় তা লাঙ সেনে
ন-অয় এজ বুঝোনা হোচপানার মানে।
হালা মেঘ সমারে যেবে হি দুরোত?
এক ফুদো সুগোর আঝায়,
জুম্মোবী! নাহি হোচপানার ফুল ফুদেবে?
সমারি অবে লারেয়োর জিংহানির আঝায়।

19/82014

Share This Post

Post Comment

Please Answer.. * Time limit is exhausted. Please reload CAPTCHA.