রাজা এইল বিলি*** সুদীপ্ত চাকমা মিকাডো***

Print Friendly

যিথথুন ধরি ইদত তুলি পারঙ

রাজা বিজয় গিরি, রাজা ভুবন মোহন রায়, রাজা নলীনাক্ষ রায়, এইল আর কালিন্দি রানী তে আ রাজা ত্রিদিব রায়

বজরে বজরে জাগা গুরি গুরি শিগেরত যেদ

তা হোচপানার প্রজা গুনর সুগ দুগর

হবর লগ, বেরেদ হাজিদ নাজি দ,

নিজ গীত জরেদ

পাকিস্তান আমল থুম অই এল

সে সমারে শিকারত যানা অ বন্ধ অই গেল

১৯৭১ সালত গেল রাজা পাকিস্তানত

তার রেজজ্য ফেলেই

ফেলেই গেল আ তার হোচপানার প্রজাগুনরে

দোল রাগেবার আজায়, গ পেবার আজায় জরিয়ে তে হদক গীত

হদক মানজ্যে মনত জরেলাক গীত

বানিলাক মনান ন হাবিবাক আর চুল দাড়ি

রাজা ন এজে সঙ এ দেজত ফিরি

মনত বানন বানা আজা

ফিরি এব তারার আউজর রাজা

দিন যায় মাজ যায়, যায় আর বজর বিদি

ত ন এজে তারার আউজর রাজা ফিরি

২০১২ সালত এল সামবাদ

ন ফিরিবার আর এ দেজত আমার আউজর ত্রিদিব রাজা।

নুঅ রাজজ্য জিদিবার আউজ নেই, প্রজা সুগে থেবারথেই

জুম্ম জাদর অধিকার আনিবার তেই

লারেই গরিজার চাঙমা রাজা দেবাশীষ রায়

থুরুঙ ভরেই দি যার জাদ ভালেইঅর হদায়

দেগেই দি যার মানেয়র হি অধিকার

উজেই যোক তার জাদর হাম জুম্ম জাদর হোচপানায়।

===================

Share This Post

Post Comment

Please Answer.. * Time limit is exhausted. Please reload CAPTCHA.