“মেঘ পুদি”

Print Friendly

উরি উরি হদক রেজ্য ঘুরি
ঘরত্তুন দুরোত-সেজত
মিগুল দেবা দেজত,
রিবরিব সাধস্যা মৌনো মাধাত বাজি
মেদিনির মেয়ে টানে যেক্কে
মেঘ পুদি গুজুরি গুজুরি হানে-
বোয়েরর দেগা পেই
নুদি ওই দেবোংসি পোইধ্যা বেই,
ঝর ওই জুম লেজাত লামে ;
চোগো পহর ঘুর অদে অদে
মুজুঙোত এই মেঘ পুদি থামে।
সেক্কে আমন্যা মনানত
বোয়েরর ঝলগা আবর হায়,
গায় গায় চিক চিক্ক্যা পেই
মেঘ পুদি লগে মনান হানে।
ঘরঅ সাজি ফগনা উনো ধক হদক
পুরোন হদা উদে আর পরে,
সেবা হাজে ধুরিবার দরে ছাদি মাদাত
হুজু পাদানি জাগাত্তুন নলরে!
গাবুর ফিরে গং এজে গাজে গাজে
পাদা হুজি য়েল জুমোর লাম্বা নাঙেল
দিগি মেঘ পুদি সাত রঙা আঝি
দিনেই ফিরে ঘরত,এজে বার বার
আমা জুমোত মিঘুলো দেবা দেজত।

Share This Post

Post Comment

Please Answer.. * Time limit is exhausted. Please reload CAPTCHA.