[মিছিল]

Print Friendly

গং মরা মিছিলোত নযেম আর!
প্লেকার্ড আদত বানা শ্লোগান নদিম আর।
সে হমলেত্তুন দুরি মিছিলোত-
আদি আদি মুই অরান।
হদক প্রেস ক্লাব,চত্বর ঘুরি
মানেয়োর আহ্দে আত দুরি,
হদে হদে তোদা বুজি যেয়ে মর!
বিচের চাং! মুই বিচের চাং!

ঘর আগুনোত মর বুক পোড়ায়!
মরা হিজেগে চোগো পানি বে পড়ে।
সে হমলেত্তুন দুরি নিজো ঘর পাদা-
আরাদে আরাদে মুই দেবাইল্লে!
হদক ঘুরি নানা জাগা থুম গুরি
দেবালত পিঠ বাজি-
হদে হদে গলা ভাঙি যেয়ে মর,
বিচের চাং! মুই বিচের চাং!

যে মিছিলোত আগুন নঝরে!
বুন্দুগোর আবাজে পরান নঝরে!
সে মিছিলোত হিত্তেই যেব?
হেনে এদ অধীকার!
তিন পাক ঘুরি মিছিল থুম গুরি
হানা দানা সেজত ঘরত!
না! সে মিছিলোত শ্লোগান নদিম আর!
সে গং মরা মিছিলোত নযেম আর!
সে হমলেত্তুন দুরি মিছিলোত-
আদি আদি মুই অরান।
হদে হদে তোদা বুজি যেয়ে মর!
বিচের চাং! মুই বিচের চাং

Share This Post

Post Comment

Please Answer.. * Time limit is exhausted. Please reload CAPTCHA.