|| মা-পিত্তিমি ||

Print Friendly

জু জানাং মাদো ওঝার এ মেদিনি,
গুরিস হেমা,নোফুরেয়ে দেনা,
অধং-পো তর গুজি-ল-আইলেং দি
মর লাম্বা সালাম চিদোত্তুন হোচপানা।

পোইল্লে সালাম মাদো তরে,
বাজেয়োজ পরান,দিয়োজ জাগা বুগোত-
বানেয়োচ পরান বোলার চেলা এ অধং’অরে,
গজেই দি রাজ-ভান্দার রাগেয়োচ সুগোত।

দেবোংসি তুই জনমান গাবুর,
বেক দোলোর দোল,আঝার দোলোর রেজ্জোত-
অক্ত অক্ত সাঝি উদোচ নো গুরি,
নয় বার্বো,আজা গুরি রাগাচ ত বুগোত।

ত বুগোত ফোগোদাং মাদো,ত বুগোত থুম,
ত বুগোতওই সেজ নিজেজ,জিংহানি ভর ঘুম।
মর তবনা হোলুং তরে সুনিচ মেদিনি,
আঝার আঝার সালাম তরে মা-পিত্তিমি।

Share This Post

Post Comment

Please Answer.. * Time limit is exhausted. Please reload CAPTCHA.