দিবুজ্জে রোদোত,
আজ্তের ঝিমিত ঝিমিত গরের!
মোরা পাদা ধক অলর বেক-
পোরান বিরুং বিরুং গরের!
হান্জাবা হুরেত্তুন গুজুরি উদে
আজ্তের! ফুং! ফুং!
উবো মোরা গাজত পেক ঝক পরন,
শোজেই আনে হাক্কোন্নে বুলেট অ ঝর!
মোরা পাদা ধক অলর-
বানা টেপ টেপ গুরি লো পরের!
বেক্কুন জেম ভিজ্জে!
বুরগিলোই ভুদি গজ্জে-
চোগো হোনাত এক ফুদো আভিলেচ!
লোরবো দাগি আদ দন লারে গুরি!
হন ঘরত পরে মোরা হিজেক!
এক বাজারর শুগোর এরা,আংওর মাজ!
বেক নাজ! বাজ মাদাত ধুপ হানি উরের।
নেই আওজ মারিবার!
নেই ধারোজ মুরিবার!
বোরবুয়ো, উগুরেত্তুন অর্ডার!
ও গোঝেন রিনি চেজ! পোরান্নোরে
মো-মি নওই পারা হন হালে!
লোরবো হানে,পিত্থিমি হানে
ফারক অয় লো,দারিত ওর টানে!
ঘুদি যেয়ে বিজক হদে মানা!
নল টাক্কে জিংহানি’ত মরন বানা-বানা।
