“বিজু এল”

Print Friendly

মনান হুজি মর
দাগি দাগি হর ,
বিজু এল,বিজু এল ।
চৌত মাজত পুরের জুম ,
মন হাজর অল থুম
বৈজেগোর পল্লে ঝড়ত ,
মুরি যেয়ে গং এজের ফেরত
বিজু পেক্কো ডাগি হল ,
বিজু এল ,বিজু এল ।
হুজি মন,বুড়ো মন
রংচঙে গাবুর মন ,
হুজি লাগের বেক্কানি
হুজতে যার সুখকানি ।
রাদা দাগত ফুল তুলোনা
হুর বুদি রেং হারানা
নানা ফুলোর ফুল ছোড়া ,
সুদো গাদেই দিনেই জোরা
নেই ভেদ মিলে মরদ,
টাঙাদন সিংগোবা দোরোত ।
সাজাদন বেক হিজু ,
এল মুজুঙোত ফুল বিজু ।

রেং ও উগুরে রেং
শুনোং যিন্দি চেম ,
অয় অয় শুনোং বানা
গুরোই দেদন হুরো হানা ,
পিদে মোজা আদত গুরি
দেদন আধার ঘুড়িঘুড়ি ।
পাজন তোনোর বাজ
গরের মরে নাজ !
ঘুরিবোং দ সাত্তান ঘর ,
ভেদ নেই দ সদর-পর ।
উবো গীত গেবাক সুরে
মদ হানার সেরে সেরে ,
উদোন্দি গাবুর মন
ডাঙর আমা গং ,
রেঙে গীদে হাদেবং
মুল বিজু পার অবং ।
ডাক্কো রাদায় দাগি হল
বিজু এল বিজু এল ।

Share This Post

Post Comment

Please Answer.. * Time limit is exhausted. Please reload CAPTCHA.