ফিত্তি ‘র’ [প্রতিধ্বনি]

Print Friendly

দোল এক্কান মন
তর আগে নি?
মনর জানালা হুলি দে
যুদি সে মনান থায়-
দেবংসি দেবালর মুজুঙে থিয়েনেই
হান পাদি শুন
তুই হি শুনোর নি?
দেবালর সে ফিত্তি ‘র’উন।

আজার বজর ধুরি
হধক ফিত্তি ‘র’
সে দেবংসি দেবালত
বার বার ধুজ হেই
আঝি যেয়োনদোই বিজগত,
তোগে চেলে এজ পেবে
এক ফুদো শিরোপানি সান
পরতুল্য়র সে গুমোর হধানি,
যার রুমে রুমে মিজি আগে
হধক পোড়া হবাল্লের চোগো পানি।

দোল এক্কান মন
তর আগে নি?
মনর জানালা হুলি দে
যুদি সে মনান থায়-
দেবংসি দেবালর মুজুঙে থিয়েনেই
হান পাদি শুন
তুই হি শুনোর নি?
দেবালর সে ফিত্তি ‘র’উন।

অলে তুই শুনিবে
হন আধ বয়োচ্ছে মিলের জীংহানির ইজেপ
হধক গাবুজ্জে-গাবুরির
বুক ভাঙা মন হধা,
হন বুজ্জে-বুড়ির দাম নেয়ে আভিলেচ
পরতুল্য় মানজোর মন ভাঙা সবন।
সমার নপান হেনেই
গায় গায় যারা হোই যেয়োন
নিজো গুমোর হধা।
সে দেবংসি দেবালর মুজুঙে থিয়েনেই
হান পাদি শুনি চা
এজ শুনিবে তারা ফিত্তি ‘র’উন।

৩/৭/২০১৪

Share This Post

Post Comment

Please Answer.. * Time limit is exhausted. Please reload CAPTCHA.