মা ! সেমেই ফুল ফুত্তোন ,
চিক চিক্কে রাঙা !
ম ফ্রক্ কো আগেদে নয় ?
ঠিক সেনান্নে রাঙা ।
নানা গাজত বোল পজ্জোন ,
হুজি হুজি পাদানি দেক্কোজ ?
কালোচ্চে রাঙা !
তে,মা ফাগুন রাঙা কিত্তেই ?
আয়ে জুরো গুরি আগচ ?
হবর পাজ ? মা !
মাদাল গাজসোত ফুল ফুত্তোন
এক্কান পাদায়ো নেই !
বানা থুব থুব গুরি ফুল ,
জুরবো পেগোর পুন্দুরি ধক রাঙা !
লো ধক্কেন রাঙা !
তে ,মা ফাগুন রাঙা কিত্তেই ?
নানা মানজে হদন ,
বা ফিরি ন এব আর
হিত্তেই মা ?হবর পাজ ?
বা যেয়ে রিবরিব মৌনো থুমোত !
মিজি যেয়েগোই এ ফাগুনোত !
ফাগুন রাঙা কি সিত্তেই ?
মা ,তুই মরে হ
ফাগুন রাঙা কিত্তেই ?
↔থুম↔
