পজ্জন:রমচক্র ভুত কাবানা

Print Friendly

ভালুক দিন আগ হদা,ইককো বর মোনোত এগেলা গুরি এক গিরি মানুজ এলাক। তারা এলাক্কে বানা দিনেক মোক।গমে দালেই তারা জিংহানি হাদিদো ।মরত্তু একদিন হাত্তনত গেল,সিত্তুন দুরি মিলেবো গায় গায় ঘরত ঠেদ। সে হুরে ঠেদদে ইককো ভূত ! মিলেবোরে গায় গায় দেনেই ভূত্তোই হয় দি,জাং সালেন ফলনা মোককোরে এক্কা তজ্সে লাগাংগোই! যেন হদা সেন হাম!জিদিন্নে মরত্তু হাত্তনত যেয়ে সিদিন্নে সাজন্নে অক্তত ভূত্তোই মিলেবোইদু এজে! এনেই মিলেবোরে পিজের গরে,ও ফলনি ত নেককো আগেনি? মিলেবো দোরে দোরে হয় নেই দ,হাত্তনত যেয়ে। ভূত্তোই সিআন সুনিনেই হুজি অয়, আ ফুগুদি হানান্দি আত বাবে দিনেই হয় ।এইয়ে দুরিস ম আত্তান হাজচো দে! ইন্দি মিলেবো দরে মুজ্জ যেবার হাজেয়ে,চায় দি ভূত্তো আত্তান লাম্বা!..…হালা!..…হেজ!…হেজ!..……চাদেয়ো অবিরিকবারাক!

সিত্তুন দুরি ভূত্তোই দিন-বাগেনে রেত অলে এজে, আ আত্তান হাজচো বাজে দে গি।চিদেই চিদেই মিলেবো হেঙেদা অয় দিনোত ও ঘর-দোর বানি থয়, নিগিলিবার দোরায়।

হয়েকদিন পর জেক্কে মিলেবো নেককোই হাত্তনত্তুন এজে সেক্কে চায় দি তা মোককো হেঙেদা ওয়ে! টা মোককোরে পুজোর গুরিনেই বেক্কানি হবর পায়। সিম্সিম্মে গুরি তাগলান দারে ঠয়,মনে মনে হয়…এজোক মগদা ভুত….এজ্সে চাঙ সালেন!

সিদিন্নে রেদোত আর ভূত্তোই এজে,এনেই মিলেবোরে পিজের গরে অনি ত নেককো এজ্সে দে? ইজু গরম গরম পাংঅত্তে! মিলেবো হয়দি নাদে! ইন্দি মিলেবো নেক্কই ফুগুদি হানা হুরে হাপ দি আগে! ভূত্তোই তা আত্তান হাজ্স দিবাত্তে বাবে দে। মিলেবো হয় দি আরেক্কা বাহ-বা,ভূত্তোই আত্তান আক্কানা বাহ-বাই,মিলেবো আর হয় আক্কা বাহ-বা,ভূত্তোই আর অ বাহ-বাই,সিনিরি জেক্কে হেংওলি সং এজে মিলেবো নেককোই এক্কু হুবত থুর সং ছিনে দে!

আত তুদো গুরি ভুত্তোই এক্কু দাভা দে আ যাদে যাদে হেনা বানি জাঈ,মগদা লুগোনি তরে এক দিন নই একদিন লাগত পেম দ সেক্কে তে তরে গত্তনা ভাং ই দিম্বি!!

ষিআন সুনিনেই মিলেব নেক্কো হই দি হী মরার হেনা বানত্তে হেল্লে এজংর তোমা বংস লুগেই দিম বী।তার হেল্লে মিলেবো নেক্কো ভুত হাবা লামে। কিজিং,জুরি হুলুং,বর সুরুং, জিঅত ভুত লাগত পাই সিঅত সেয গরে! ভুত হাবদে হাবদে যেক্কে সরা থুমোত লুংএ গোই সেক্কে চাই দি এক্কো ভুত এ হাংআরা গাদত আত ভরে আগে।সিবিরে দেনেই পিজের গরে আ তুই সিঅত হি গরর?? ভুত্তই হই দি হাংআরা বোই হামেরেয়েদে!আত আন হই নপারংঅত্তে!উন্দি সিবি অলদে সে ভুত্ত!!নদেবাত্তে আত্তান লুগে তয়েদে।মিলেবো নেক্কোই দোলে চেনেই বুজি পারে! আ আকুহুবত ভুত্তোরে সেয গরে। বেক ভুত্তুন যেক্কে হাবি ফুরেয়ে সেক্কে চাই দি তেজ্তে পাদাত্তলে ইক্ক পিদিলি ভুত আগে! ষিবেরে চিত পুরিনেই নহাবে,সনত্তে বেক ভুত্তুন হাবিলেঅ আজ সং ভুত আগন!

Share This Post

Post Comment

Please Answer.. * Time limit is exhausted. Please reload CAPTCHA.