***ন হয়ে হদা*** সুদীপ্ত চাকমা মিকাডো

Print Friendly, PDF & Email

মা আমা জাগান হুয়ান?

বাবা, ঐ থল সং মুরোবো দগে সিয়ান

ত বাপদায়ি জুম গরি হেই যেইয়ং

দেগততে মুরুবত জাগায়ান।

আহ ! মা ‍সিয়ত থ আর্মি ক্যাম্পয়ান

বিজের গরিলেও পুথ হি তরে হই পারিম সত্যয়ান।

সেই ৮৬ সালত ইচ্ছন তারা বাননন ক্যাম্পয়ান

লারে গরি ললাক হারি আমা এ জাগায়ান

সেলিম বই আব্দু্লয়ে লইয়ং হারি আমা ভুঁইঅ জাগায়ান

বানা আমার নয় গোদা আদাময়ান

আন্দার রেদত এই বানিলাক ঘর

লরেই নিলাক আমারে আর্মিও এলাক সমারে

ধেই যেই পেইয়েই হদক ঝারে ঝারে

সক্কে পার অলং ভারত

আশ্রয় ক্যাম্পে্ ক্যাম্পে, হাদেলং অকুল সাগরত।

থাক্কে থাক্কে হাদেই দিলং বার বজর

৯৭ সালত সরহারে হল যেলে ফিরি দেজত

ফিরি পেবা জাগা আর নানান বাবদর

এনেই ফিরি পেলং বানা সলঙয়ান

নিজ জাগা ফিরি পেবার হেনে গরিবো নাঙ ?

যে দেজত আগে বানা জুম্মগুনরে মারানায়ান

দুগে দুগে হাদেই, মনে হয় ইক্কু

দুগর বুদি বানা জুম্ম অনায় এ জনমান

তো হবার চাঙ জনমে জনমে যেন

জুম জাদতরে লাগত পাঙ।

দোল পিথ্থিমিত দোল থেদং আমি বেগে

এক অই আর হদং হদা যেদং আর সমারে জুম হাবা।

Share This Post

Post Comment