|| নাঙেলো পদত ||

Print Friendly

মৌনো আদামত আর যেম ।
আদামর চিগন নাঙেলো পদত
হুজি এহেল হের বুগত
এগা মনে গায় গায়,
মুই আর তোরবো যেম।
কাতকাইত্তে চোত মাজ সেজত
বোজেগর পল্লে ঝরত,
আঙ্গি জেয়ে জুমানিত-
হুজি-হুজি ধান পাদানি
যেক্কে সিরে বাবেই চেব বেল পরত,
মুই আর তোরবো যেম-
চিগোন সে নাঙ্গেল পদত।
ঊদিমবোই মুর তোগোনত
দাঙ্গর গুরি নিজেজ তানিম
এক ঝল্গা বোয়েরত ,
চোখ হাদি ইদত তুলিম
মর লড়বো পুর্বপুরুজ
পিত্তিমিত ফগদাং গোজসে
যে এক্কান নুঅ পরিচয় –
লোরবো জুম্ম জাত ।
মুই বার বার যেম
বিজগর সে জাগানত
এগা মনে গায় গায় ,
চিগন সে নাঙেলো পদত।

Share This Post

Post Comment

Please Answer.. * Time limit is exhausted. Please reload CAPTCHA.