[ তোল-বোল্যা মন ]

Print Friendly

চিক চিক্কের গোভিনোত মুরোত্তুন মুরোত,
আঝি যেবার চাং দুরোত ভারি দুরোত,
মেঘ চাগা সারাইল্লে চিল উনো ঝাগত,
আদিবার চাং থুম নেয়ে হন নাঙেলো পদত।
রান জুনির সাঙু বেই দেবাবোর থুমোত।
উব ছাড়া থুম নেয়ে ঘুম মেদিনির বুগোত।
দেবোংসি সে জাগা মুই হুদু গেলে পেম?
দিন-রেত নেই যিয়োত বানা আগে বর জিরেন।
নেই হন হালা মেঘ নেই গাবুর রাঙা বেল,
নেই হন জুনো পহর নেই রাঙা হালা য়েল।
দেবাল্লে মনান উরে অজলত্তুন অজলত,
তোদা নচুগোই যিদু,পানি ধাজ নগরে বর হরানত।

Share This Post

Post Comment

Please Answer.. * Time limit is exhausted. Please reload CAPTCHA.