|| ট্রাম্প কার্ড ||

যে ফুলো-হুরি’ত্তে দুরিলি বাজি
সে ফুল ফুদোদে জু হারা!
চাং অবার হোদা নভাবিলি
হন সবনে উব আহরা?

৩০ বজরে থুবেয়ে ধন
১০ বজরর বাজি!
দোজা হোদা মনত গুরি,
হেনে পারস আঝি?

রেত-দিন তুই হাধোনি গরচ,
বেক হাধোনি হারাত ধালচ!
মন দি তুই হেলচ বানা
জিদিবাত্তে জু হারা,
সিগোন-সাগোন আদারা হেলে,
তো নঅলে পাদারা!

হিনিরি পারচ? আমক অং!
ধন নয়,তুই মন মাজন!
তরে দিগি সাওজ পাং,
বর সবনত থক চাং!
তুই দুরিলি হোবাল বাজি,
মুই গরংঅর সবন টাক
‘বা’ তুই অলে বর জুয়ারি,
মুই ওলুং তর ট্রাম্প কার্ড।