“ঝরা পাদা লগে মন ভাঙে”. …………………………..

Print Friendly

“ঝরা পাদা লগে মন ভাঙে”

………………………বাসুদেব চাকমা
___________________________
মরা পাদা ঝুরি ঝুরি যায়
ফাগুনোর ঝোল গা বোয়েরে,
চেঙে মেয়োনি কাজালং হানে,
বিজু এজং এজং অলে।
ঝরা পাদা লগে চোগো পানি ঝরে,
তুমাচিং সুজাতা আঝি যান আন্দলে!

লো ধার বে যায়-
আদামানি পুরি যায় আগুনানি জ্বলে,
হধক বিজু এজে আর যায়,
কল্পনা এজ নয়েলে।
এজ নফিরে পরানর সমাজ্যা আশীষ!
বিচের ন অয় এজ সবিতার-
ও দেজ! নমানং আর তরে নমানং!
ম চিদোত ত জাগা নেই আর।
বিজু পেগো সুরোত মন হুজি নেই আর,
সুখ আমার আঝি যেয়ে-
গিলি হেয়ে অজাদর সেটেলার।

বিজু এজং এজং অলে-
ফাগুনোর ঝরা পাদা লগে মন ভাঙে,
মরা হিজেক হানানি ফুরোমোনোত আবর হায়-
ফিরি ফিরি এজে পুরোনা দুক্কানি,
চুবে চুবে আহ্দি যায় দি চোগোত পানি।

ফাগুনোর রাঙা রাঙা ফুলুন দেলে,
পরানান চিয়োগ চিয়োগ গরে!
মনানত পুজোর জাগে,হার লো মিজি আগে?
সেমেই ফুলো রাঙা পাগোরো লগে!
ঝরা পাদা লগে চোগো পানি ঝরে,
দি চোগো পাদা এক ন অয় রেদোত-
আহ্জি যেবার দরে।
আমা জিংহানি রোগোনি অয় বারবার,
বিজু এজং এজং অলে!
সেনে ঝরা পাদা লগে মন ভাঙে মর,
ফাগুনোর আভা বেলে।

1896928_668895433176860_1947678884_n

Share This Post

Post Comment

Please Answer.. * Time limit is exhausted. Please reload CAPTCHA.