জুমে জুমে মোনে মোনে

Print Friendly, PDF & Email

জুমে জুমে মোনে মোনে মর জিংকানি
জুমে জুমে মোনে মোনে এই জিংকানি।
কদ’ জাগা বেরেলুং কদ’ জাগা ঘুরিলুং
আমা দেজো এইল মোনো ধক কিচ্ছু নদেলুং
আমা দেজো এইল ঝার’ ধক কিচ্ছু নদেলুং।

কদ’ তারেং কদ’ রিজেং কদ’ ছরা পার অহ্‌য়োং
এ মুরোত্তুন ও মুরোত যেই কদক দোল জুম খেয়োং,
সে জাগানি ঈদোত উদে এইল মোনুন দে’লে
সে জাগানি ঈদোত উদে এইল ঝারানি দে’লে।

অঘুর তারুমো ছেরে সমি যেক্কেনে জুম বেরেদুং
নানা রঙর পেঘো গীদে এ মনান মুই রাঙেদুং,
সে জাগানি ঈদোত উদে ঝারত সমেলে
সে জাগানি ঈদোত উদে পেঘে ডগল্লে।

Share This Post

Post Comment