|| জনম ||

Print Friendly

হাক্কোন্যা পিত্থিমিত জনম ওহ্ক ,
লগত ফুত্যা তুম্বাজ ফুল।
সোনার অরক-এ নাঙ লেগা থোক,
জয় ধুনোদোক মানেই হুল।

পত্যার রাঙা বেল-অ পহ্’র ওহ্ক
আন্ধার হাদি যোক সাজি উদোক পিত্থিমি,
আঝার বজরর বিজক’অত বাজি থোক,
গুজি লোক পো বিলি,ওঝার মেদিনি।

জনম ওহ্ক সেমেই তুলো সোনাত্তালি পেক,
বেগে দিগি আমক ওদোক ভাঙা ঘরত মেইথ!
জিংহানি ওহ্ক ভরন-পিরন অজল মৌনো ধক,
পুগো হেত্তে রাঙা বেল দোক-দোক্কে সদক।

জনম ওহ্ক সুক-তারা আঝার তারা ঝাগত,
দিনো সেজত নাংআন থোক পোরবুয়ো মানজো ধাগত।
আঝার জনে জয় ধুনোদোক আঝার বজর দুরি,
বাজি থেব যে জিংহানি নিজে গেলে মুরি।

————————————-
1.মেইথ = trasure/precious thing.
2.সোনাত্তালি পেক = one kind of beautiful bird.
3.পোরবুয়ো = wise/enlightend man.
4.বিজক = History.

Share This Post

Post Comment

Please Answer.. * Time limit is exhausted. Please reload CAPTCHA.