“এ হিল-চাদিগাঙান আমার”

Print Friendly

এ জাগা এহেল ভুই, ধান শিজে আমার,
এ পথ মাদি হোলোই,বোয়েরান আমার।
এ দোল হুজি হের,শিরো পানি আমার।
এ দেবা মেঘ চাগা,রান জুনিয়ান আমার।

এ ভাজ মিদে সুর,গীত তুন আমার।
এ আঝি সুক-দুক,জিংহানি আমার।
এ আঝা নফুরেয়ে ধারোজ,স্ববন আমার।
এ জনম গং বলা পরান,মানেয়ুন আমার।

এ গাজ সিন্দিরে তুম্বাজ,ফলন আমার।
এ দেজ অজল মৌন-মুরো,জুমানি আমার।
এ কাজলং মেয়োনি,বড়গাঙ আমার।
এ হানানি চোগোপানি,কাপ্তে গোদায়ান আমার।

এ পজ্জন রাধামন-ধনপুদি,শীবচরন আমার।
এ কালাবাগা বিজয়গিরি রাজা,বিজক্কানি আমার।
এ রাঙামাত্যা হাগারাছুড়ি,বান্দরবান আমার।
এ তাজিংডং আলু-টিলে,ফুরো মৌন আমার।

এ স্লোগান কাল্পনা নাং,মগদা’উন আমার।
এ মিছিল রুপন,সুখেস,মনতোষ,রাজ পত্তানি আমার।
এ লারেই এহেল রঙা লোরবো,আজ্তের আমার।
এ নিজেজ জেদা পরান,লো ধারাউন আমার।
এ ফুল এম.এন.লারমা,জুম্মো নাং আমার।
এ ৫১১৩ স্কয়ার মেল,হিল-চাদিগাঙান আমার।

Share This Post

Post Comment

Please Answer.. * Time limit is exhausted. Please reload CAPTCHA.