এই দোল পিত্থিমি ছারি যেম্বোই মুই একদিন
তোগেনেই ন পেবা মরে তুমি কন’দিন ।।
বেরেই চেরেই কদক রোয়েই সমারে মিলি খেয়েই থেয়েই
একজধা ওহ্ই পুরোনি দিনুন সুঘেদুঘে কাদেয়েই ;
তুমি মরে পুরি নফেল্লো পুরি নফেল্লো সিয়েনি
যুনি মুই যাংগোই এপিত্থিমির বুক ছারি ।
ভুল্ অপরাধ অহ্ই যুনি মর খেমা গরি দো তুমি মরে
খেমা গরিদো বেক্কুনে বরকধা কোই থাং যুনি তোমারে ;
সিয়েনি তুমি মনত ন রাঘেই বর মাগিদো বেগে মরে
যেনে মুই যে পারং গমেদালে দোল পধে ।।
চোঘ’ পানি নফেলেয়ো তুমি মরে ঈদোত তুলি
বেগর একদিন যা পরিবো একপধে এঙিরি,
সমারে কন’ কিচ্ছু নযেব’ পাপ পূণ্য যেব’ বানা লগে গরি
সেনত্যাই দোল কাম গর’ বেগে আওজ গরি ।।
