“আরেক্কু জারহাল”

Print Friendly

চিম্চিম্মে ধার বোয়েরত হিয়ে সন মরে।
জানালা ফুদিগোর হিয়েত বাজি বে পরে-
ফুদো ফুদো শিরো পানি,বোয়েরান ও হানে!

ভরি যায় উদোনান পুরোনা আদং হাজরে,
চুবে চুবে ঝুরি যায় মরা পাদানি,
মনানত বানা চিক-চিক্কেই বেরেহোরে ধরে,
মনান ও নমানে,পেদ চায় যানি হারে!

শিরো পানিত গাদে,ধান শিজে লগে।
ভাজি ভাজি এজে কুজু পাদা ভেরবোত!
তোল্পোইলে মনানে-
মিজি যায় পত্তাপুত্তিক-নুদি লাজুরি ফুলোত।

বেল ছদক এলে ফাদা ফাদা উদোত,
চিগোন লুদি ঝুবোত,সুদোত্তুবি-
বানা দুগুরি ডুগুরি থায়,
হক্কে এবে? হিয়েত উম! মিদে হুজি রোদ!

আজাই আজাই বানা তিরোজ বারে,
জার হাল বুড়ির ধুপ কাবর বেরে ধরে,
-বেল আলেলে।
চাদে চাদে হাদি যায় দিন,আরেক্কু জার হাল,
-এব তুই ন এলে।

—————Thum—————
ফুদিগ = Glass.
ভেরবোত = Float.

Share This Post

Post Comment

Please Answer.. * Time limit is exhausted. Please reload CAPTCHA.