|| আমা আদামান ||

Print Friendly

কাজলং অ পারত আমা আদামান,
ভারি দোল,এক্কা হিলে-হিলি,নিরিবিলি-
সিগোন-সাগোন ছড়া চেরো পালা,
আদাম অ বুগোত এহেল,
পুক-পোঝিম নাঙেল,
আহ্’দিলে বোয়েরত ভাজে এজ পুরোনা হদা!
ভারি এক যোধা!এক থুপ মানেই হিজ্সু নেই!
বানা ন বেই উজোনি এলাক,
ঘর পাদা,ভিদে মাদি আরেই,
কাপ্তে বর গোদাত! হার অভিশাপ?
বর পরং এলাক, অহুর ঝারত-
রেত দিন হাধিনেই বেগে বানেলাক,
আর এক্কান দোল ভোরোন্দি আদাম।
কাজলং যিয়োত আর এক বর গাঙ!

আদাম পদত গায় যেক্কে আহ্দং,
পুরোনা বিজক্অত মুই এজ বেরে এজং।
পুরোনা ঘাম’অ বাজ বোয়েরত এজ পাং,
যে বাজ ছিদি যেই শুদ্দো আমা আদামান।
তারা ফুজু ফুজু মন হোদা,
হদক সবন,হদক আঝা!
মুই আহ্দি যাং সে সবনত,
ইক্কু পত্থমত আমা আদামত!
সে এক্কুই পুরোনা পদত এজ,
মুই উব গরং পুরোনা আঝা,
আমা পুরোনা মান্’জো হোদা।
আমা আদামর আগ হোদা।

Share This Post

Post Comment

Please Answer.. * Time limit is exhausted. Please reload CAPTCHA.