মুই ধন নাধা!
মুই জন নাধা!
মুই বল নাধা!
হালিক মুই নাদংসারা নয়!
মর আগে দিয়ান উত,৩২ ও দাঁত
আর ফাগা অজার নানা বাবদর আঝি।
পিত্তিমিত যিদুক্ক পাদুরো আগন
সলং বলা দোগোনো বাজ আগন,
তারাততে থেল মর
চিত পরা মিজেল্লে-
ফাগা হুনত এক হত্তা আঝি!
নল বলা,বল বলা
দল বলা,ধন বলা
রক্ত হেয়ে বুদ্ধি নাধা
আগন যারা মেল্লে হান,
তারাত্তে থেল মর
গোজেনোইদু তবনা-
মনত দর মিজেল্লে
পিত্রমরা বেগ সজ্তা আঝি।
পিত্তিমিত যিদুক্কুন হাম্মো আগন
সবন দিগিয়ে লোড়বো আগন
তারাত্তে থেল মর,
বুগো ভিদিরে অঝার জাগা
চিদো মুরোত্তুন জু
হোচপানা মিজেল্লে-
বারবো ইহিল অয়ে আঝি।
বেগত্তুন বেজ দামি আঝি।
