|| আগ-মুলিম ||

Print Friendly

এহেল মোন-মুরো রাঙা অহর!
ভেই মুরি যাদন মর অভেদর!
রাঙামাত্তের রাংঙা মাদি,
লো মিজি দোক-দোক্কে রাঙা অহর!
হাগারা ছুরি !
হাগারা দুবোত হদক,
ভেই মুরি পুরি আগন পদত-
বান্দর-বানত!

নাঙেল দিগিলি জুমো বুগোত,
নো চোবাসাল উদের মোন-চুগোত!

মুই দেগংঅর,
মুই সুনংঅর,
মুই বুযোংঅর,
তো মুই আঝা ন আরাং!
তো মুই আঝা ন আরেম!
তো মুই আঝা আরেদুং নয়!

মুই দ হোবালরে দুজ দিয়ে নয়!
নয় হন উধি যেয়ে মানেই!
মুই নয় পোরেয়ের দুজ তোগেয়ে!
দোজা এলে উব আরা ওয়ে!
ন-গবং হনদিন মর জাদরে!
বিজসেজ গরং এজ ম দিয়ান আধরে!

ফাগুনোর আভা মুই আনি জানং!
জাদর হোবাল মুই বানেই জানং!
অ দিনোত মুই বাজি থেই পারং-
বাজি আগং!
বিজ সেজ গরং! বুক পাদি মরন!
মুই এক-দিন মাদা তুলিম!
ছরান ইক্কো জাত জেই তুলিম!
মুই পারিম!
মুই অলুং বেগর আঝা!
মুই বেগর আগ-মুলিম!

Share This Post

Post Comment

Please Answer.. * Time limit is exhausted. Please reload CAPTCHA.