||অহ্গর হাজ্সোত ||

Print Friendly, PDF & Email

শুনিজ!ইক্কু মুই পারং!
ধাবা দিনেই হয়েক ডজন মানুজ ফারি-
ধুলো ধুলো গুরি বাস’অত সুরি।
অহুর ঝাগ সেরে পবং পবং হদা শুনি!
ভাবিলে আমক অং!
বর হরান ও ইক্কু ঠুরি পারং-
বানা লোদ শেডিঙোরে গুবি!
ঘন্টার পর ঘন্টা লাইনোত থেই পারং,
জিনিস মুলেলে দরা-দরি গুরি পারং!
ফুত-ফাত’অর হজরা জিনিস ও হেনেই জারি পারং!
হদোক্কানি গুরি পারং!মনে মনে হং!
হালিক,যে ফেলে নবারং জুম্ম হাজ্সত্তানি!
হোর্বো হদা ইদত উদিলে
এজ মুওত পানি এজে!
চিদোল অ বাজ্সান এজ,
ভারি তুম্বাজ সুওত লাগে!
অহ্গর হাজ্সোত হুদু আর যেব?
জুমো বাজ হিয়েত্তুন হি যেব?
যেনেই বা হি অব?
জারগো সাজিনেই হিত্তেই চিগোন অব!

Share This Post

Post Comment